Этнокультурный центр «Маранга» 678586, Республика Саха (Якутия), Эвено-Бытантайский Национальный улус, село Кустур, улица Слепцова И.Н., 7/1
Наш адрес
8 (411) 602-25-33
Контактный номер
Контактный номер
"Добровидение 2023"Аан дойдутааҕы норуот ырыаларын фестиваля
04.07.2023
Дойду култуурунай столицатыгар Санкт-Петербург куоракка бэс ыйын 9-11 күннэригэр 8 төгүлүн ыытыллар «Добровидение» Аан дойдутааҕы норуот ырыатын бэстибээлэ буола турар. Бэстибээли Государственнай Дума «Справедливая Россия — Патриоты — За правду» партия депутата Олег Нилов көҕүлээн тэрийэр. 120 тахса Государственнай, Народнай, Академическай хуордар, ырыа-үҥкүү кэллэктииптэрэ уонна биирдиилээн толорооччулар уопсайа 1500 ча кэриҥэ талааннаах дьон мустан ырыаны-үҥкүүнү көҕүлүттэн тута сылдьаллар.Саха сириттэн Эбээн - Бытантай улууһун култуураҕа уонна духуобнаска сайдыытын салайааччыта Семен Семенович Слепцов салайааччылаах «Ньургуһун» вокальнай ырыа ансаамбыла салайааччы Горохова Анжела Игоревна уонна Сунтаар улууһутан «Партизан» норуот айымньытын театральнай киинин фольклорга үлэһитэ Айсен Федоров кыттыыны ыла сылдьаллар. Айсен Федоров Аар тайҕа ырыаһыта Сергей Афанасьевич Зверев - Кыыл Уола айымньыларытттан тиһилик толорон бар дьону эҕэрдэлээтэ. Саха сирин бөлөҕө бэстибээл чэрчитинэн ыытыллар тэрээһиннэргэ, былаһааккаларга кыттыыны ыллылар. Ону таһынан, федеральнай ханаалга көстөр «Играй Гармонь» биэриигэ уһулуннулар. Махтал тылларын аныыллар Өрөспүүбүлүкэтээҕи норуот айымньытын дьиэтигэр, «Северный Колорит» хамаандатыгар, Сунтаар улууһун култуураҕа уонна айылгытын салалтатыгар, «Партизан» норуот айымньытын театральнай киинигэр.
Ссылка: https://t.me/bytantayuottara/8109?single
Файл: Загрузить
